07/25 kontrolaren azken txostena: 20. kategoria: "Kontsumitzeko prest dauden aperitibo-produktuak"

Kanpainaren helburua eta garapena

Jarduera hauen helburua da gatzdun ekilore-hazi txigortuen eta galleta gazituen etiketatzeari buruzko araudia betetzen dela egiaztatzea, bai eta produktuen kontrol analitikoa eta operadore txikizkarien kontrola egitea ere. Kontrolak zehapen izaera izan du, eta Araban eta Gipuzkoan egin da 2025eko maiatzaren 2tik 30era.

Guztira 35 jarduketa egin dira:

• Produktuen protokolo bidezko jarduketak: 20
• Lagin-hartze bidezko jarduketak: 9
• Operadoreen protokolo bidezko jarduketak: 6

Lortutako emaitzak.

Jarraian, kontrol-maila bakoitzean lortutako emaitzak zehazten dira:

• Produktua aurrez aurre ikuskatzea (CS 07/25-1)
  • Produktuen kontrola
    

    Egindako 20 jarduketetatik 3k ez-betetzeak dituzte (%15).
    
    Gatzdun ekilore-hazi txigortuak:
    - Egindako 8 ikuskapenek %100eko betetzea izan dute.
    
    Galleta gaziak:
    - Egindako 12 ikuskapenetatik 3k ez-betetzeak dituzte (%25).
    - Ez-betetze ohikoenak osagaien izendapenarekin eta kantitate-adierazpenarekin lotuta daude.
    - Kasu batean, osagaien zerrendak ez zuen beharrezko izenbururik.

• Lagin-hartzea
  

  Aztertutako 9 laginek araudia betetzen dute eta ez dute ez-betetzerik.

• Operadoreen kontrola (CS 07/25-2)
  

  Ikuskatutako 6 operadoreek araudia betetzen dute.

Ondoriak

Atzemandako ez-betetze portzentaje txikia dela eta, ez da beharrezkotzat jotzen gatzdun ekilore-hazi txigortuen eta galleta gazien kontrolak errepikatzea.