2022-2024 Kontsumobideren Plan Estrategikoa

2022-2024 Plan Estrategikoak Euskadin kontsumitzaileen eskubideak defendatzeko ibilbide-orri eraginkorra izan nahi du, gizarte-eraldaketak kontuan hartuko dituena, hobetu nahi duen errealitatera egokitzeko.

Zalantzarik gabe, planak bi baldintza izan ditu: lehenik eta behin, pandema-osteko egoera eta hortik ateratako esperientziak, eta, bigarrenik, kontsumoko euskal legeriaren beharrezko eguneratzea eta Euskadiko Kontsumitzaileen Estatutu berria onartzea.

Kontsumobideren 2022-2024 Plan Estrategikoak koherentea izan nahi du Eusko Jaurlaritzaren estrategia orokorrarekin, Kontsumoko Konferentzia Sektorialak (KKS) onartutako Kontsumoko azken Esparru Estrategikoarekin, Europar Batasunak diseinatutako kontsumo-politikekin eta Nazio Batuek formulatutako printzipioekin.

Planari buruz ekarpenak egin dituzten kontsumoaren arloko profesionalek eta agente ezberdinek elkarrekin egindako lanaren eta lankidetzaren ondorio da dokumentua. 

Hala, plana bat dator XII. Legegintzaldiko 2020-2024 aldirako Gobernu Programarekin ("Euskadi abian"), eta, zehazki, 1. ARDATZEAN ("Properitatea - ENPLEGUA ETA SUSPERTZE EKONOMIKOA") adostutako konpromisoekin ("Kontsumitzailea").

Plan estrategikoa 5 ardatzetan egituratzen da.

1. 1. ardatza. Antolakundeak kontsumitzaileen defentsan erreferente gisa duen posizioa indartzea.
2. 2. ardatza. Kontsumitzaileei informazioa eta komunikazioa modu eraginkorrean ematea.
3. 3. ardatza. Barruko eta kanpoko prestakuntza sustatzea, egungo kontsumo-arazoei erantzuteko.
4. 4. ardatza. Enpresen jokabidea sustatzea, kontsumitzaileen eta erabiltzaileen eskubideak errespetatuz.
5. 5. ardatza. Gatazkak konpontzeko bikaintasunerantz lan egitea.

Informazio gehiago: 2022-2024 Kontsumobideren Plan Estrategikoa (PDF, 4 MB)