Kontsumobide

EJAk baieztatu du geldialdi desberdinak dituen hegaldia unitate bakartzat hartu behar dela, eta hegaldia EBetik abiatu bada, airelineak atzerapenak konpentsatu behar dituela

Argitalpen-data: 

Nederlandstalige ondernemingsrechtbank Brussel delakoak (Bruselako Enpresa Neerlandofonoen Auzitegiak) proposatutako epaitu aurreko prozedura bati emandako erantzunean, Europako Justizia Auzitegiak berretsi egiten du hegaldi bat operazio bakar batean eta airelinea bakar batekin kontratatzen bada unitate bakar gisa hartu behar dela, nahiz eta konexio eta geldialdi bat baino gehiago izan. Interpretazio horren arabera, ez litzateke kontuan hartuko hegaldiaren azken zatia Europar Batasunetik kanpoko hirugarren herrialde batera iristea, hura unitatetzat hartzen baita.

Gai hau guztia eragin du United Airlines-en erabaki batek, Ameriketako Estatu Batuetatik abiatu zen hegaldi baten konexioaren bigarren zatian hiru ordutik gorako atzerapenagatik konpentsazio bat ordaintzeari uko egitea hartutako erabaki batek, alegia. EBko Justizia Auzitegiaren ustez, bidaia bakarra da, nahiz eta hainbat geldialdi izan; beraz, hegaldia Europar Batasunetik abiatzean datza garrantzia, eta, ondorioz, 261/2004 EE Erregelamenduan aplikatu behar da.

Auzitegiak beste gai honi ere heldu dio: erabiltzailearekin kontraturik egin ez duen hirugarren herrialde bateko aireko garraio-enpresa bat behartuta ote dagoen erregelamendu horretan ezarritako konpentsazioari aurre egitera. EJANren esanetan: «ukitutako bidaiarien eta hegaldia egiteko ardura duen aireko garraio-enpresaren artean kontratu-loturarik ez egotea ez da garrantzizkoa, betiere azken hori bidaiari horiekin kontratua duen garraio-enpresarekin kontratu-harreman baten bidez lotuta badago». Auzitegiak zera gogoratu du: United Airlines-ek eta Deutsche Lufthansa-k (atzerapena jasan zuten pertsonek kontratatu zuten airelinea europarra) kode partekatuko akordio bat dute Lufthansaren izenean, eta, orduan, United Airlines da hegaldiaz arduratzen den aireko garraio-enpresa.

United Airlinesek subiranotasun-printzipioa ere argudiatu zuen, Europar Batasuneko lurraldetik kanpoko hegaldi bati eta Europar Batasunetik kanpoko airelinea bati Europako araudia aplikatzearen aurka egiteko. Auzitegiak honako hauek azpimarratu ditu: kontsumitzaileen babes berezia, segurtasun juridikoa eta 261/2004 erregelamendua ohiturazko nazioarteko zuzenbidearekin erabat bateragarria izan behar dela.

Europako Justizia Auzitegiaren epai honek berretsi eta sendotu egiten ditu bidaiarien eskubideak eta enpresek, edozein nazionalitate dutela ere, Europako legeriaren mende jartzeko duten betebeharra, betiere bidaia batasunaren lurraldetik abiatzen bada.

Curia oharra

Epaia