Kontsumoko arbitrajea: enpresak kide egitea
Arbitrajeari online atxikitzeaKontsumoko arbitrajearen mende jartzeko bi bide dauzkate enpresek:
- Kasuan kasu, kontsumitzaileak eskatutako arbitrajea onartzea, arbitrajea onartzeko eta erreklamazioari erantzuteko inprimakia (pdf, 2,9 MB) bete ondoren.
- Kontsumoko Arbitraje Sistemaren kide ere egin daitezke, Kontsumoko Arbitraje Sistemako kide egiteko konpromiso-inprimakia (pdf, 115 kB) betetzen badute.
Enpresak kide egiteko konpromisoa hartzen duela sinatzeak esan nahi du borondatez eta aurretik onartzen duela kontsumitzaileekin izan ditzakeen gorabehera guztiak Kontsumoko Arbitraje Sisteman konponduko dituela.
Abantailak enpresentzat
Kontsumitzaile eta erabiltzaileekin izan daitezkeen gatazkengatik, auzi luze eta garestiak saihesteaz gain, Kontsumoko Arbitraje Sistemaren kide egiteak baditu beste abantaila hauek ere enpresentzat:
- Beren produktu eta zerbitzuetarako kalitatezko beste elementu bat gehitzen dute.
- Kontsumitzaileei beren erosketetan beste berme-plus bat eskaintzen die.
- Bezeroen konfiantza indartzen dute.
- Prestigioa irabazten dute, eta nahiago izaten dituzte kontsumitzaileek.
- Kide diren enpresen erroldan ageri dira, eta erraz identifika daitezke Kontsumobide-Kontsumoko Euskal Institutuaren webgunera joz.
- Arbitraje-zerbitzua aipa dezakete egiten duten publizitatean.
- Kide direla egiaztatzen duen bereizgarri ofiziala dute.
- Enpresen lehiakortasunak gora egiten du.
Bereizgarri ofiziala arbitrajeari atxikitako enpresentzat
Erraza da Kontsumoko Arbitraje Sistemako kide diren enpresak zein diren jakitea: guztiek dute beren establezimenduan edo egiten duten publizitatean kontsumoko arbitrajeko kide direla dioen bereizgarri ofiziala. Bi gezi zuri eta sinbolo ireki zuri bat, hondo laranjaren gainean da bereizgarria, eta kontsumoko arbitrajeko hiru aldeen bilgunea sinbolizatzen du: kontsumitzaileak, enpresak eta Administrazioa
Euskadin, gaur egun, 15.000 enpresa baino gehiago dira sistemako kide. Bilatzaile honetan Euskadiko enpresaren bat atxikita dagoen egiazta dezakezu:
Bereizgarri digitala
Kontsumoko arbitraje sistemako kideak diren enpresek erakutsi ahal dute atxikitzearen bereizgarria bere web-orrian. Bereizgarri digitala eska dezakezu esteka honetan sakatuz.
Inprimakia
Arbitrajeari atxikitzeko, Kontsumoko Arbitraje Sistemako kide egiteko konpromiso-inprimakia (pdf, 115 kB) bete dezakezu.
Liburuxkak eta bideoak
Liburuxkak
Liburuxka deskargatu (pdf, 402 kB)
Bideoak
Azken aldaketako data: