Kontsumorako prestakuntza-eskaintza antolatzerakoan, Kontsumobide-Kontsumoko Euskal Institutuak arreta berezia ematen die ikastetxeei. Hori dela-eta, institutuak berariazko programa bat sortu du.

Lehen Hezkuntzako eta Bigarren Hezkuntzako lehen zikloko ikastetxeei Kontsumobidek eskaintzen dien prestakuntza-programa ibiltaria da. Horren bidez, kontsumoari buruzko hainbat gai jorratzen dira, praktikan eta talde-lanean oinarritutako metodologia aktibo, ludiko eta parte-hartzaileaz baliatuz.

Helburu nagusia kontsumo-arloko prestakuntzan eta hezkuntzan laguntza eskaintzea da; beti ere, txiki-txikitatik, kontsumitzaile eta erabiltzaile kontziente, kritiko eta arduratsuak prestatzeko, eskola-komunitate osoarekin (ikasleak, irakasleak eta gurasoak) lan globala eginez.

Programa horretaz gain, irakasleek eta gurasoek Kontsumobideko kontsumorako prestakuntza-zentroetan antolatutako ekintzetan ere parte har dezakete.

Liburuxka (pdf, 3,34 MB)

Izen-ematea

Hartzaileak

Programa Lehen Hezkuntzako eta Bigarren Hezkuntzako 1. zikloko ikastetxeen pertsona-talde hauei dago zuzenduta:

• Ikasleak
• Lehen Hezkuntza: 18 tailer.
• DBHko 1. zikloa: 18 tailer.
• Ikasleen gurasoak
• Tailer praktikoak (7).
• Irakasleak
• Kontsumo-arloko orientabide pedagogikorako zerbitzua.

Iraupena

Ordu eta erdiko iraupena duten tailerrak.

Betebeharrak

• Irakasleen inplikazioa eta ikasleekin egingo diren tailerretan parte hartzea.
• Hiru gela eskuragarri edukitzea (gela berberak izango dira prestakuntza irauten duen bitartean), bai eta beharrezkoak diren baliabideak ere: Internet, proiektorea, ordenagailuak, arbela digitala, etab.
• Ikasle talde bakoitzeko tailerren eskaera egitea: gutxienez 2 tailer; gehienez, 3.
• Gutxienez tailer edo hitzaldi baten eskaera egitea gurasoentzat.
• Koordinazio lanak eta klaustroaren eta programa-arduradunaren artean bitartekaritza-lanak egingo dituen pertsona bat.
• Eskola Kontseiluaren edo gurasoen elkartearen konpromisoa haiek gurasoentzat aukeratutako tailerraren deialdia egiteko.

Tokia eta datak

Eskabidea egin duen ikastetxean, 2019-2020 ikasturtean zehar.

Eskabidea aurkezteko epea

2019ko urriaren 31ra arte.

Izen-ematea

Bete ezazu ikastetxeetan prestakuntza jasotzeko eskabide-orria.

Eskaintza mugatua denez, lehentasun-irizpideak ezarri dira aurkeztutako eskaerei erantzuteko:

• Ikastetxean kontsumo-arloko gaiei buruzko proiektu propioak izatea.
• Zenbait taldetarako jarduerak eskatu izana. Lehentasuna emango zaie prestakuntza etapako talde guztietarako eskatzen duten zentroei.
• Eskaeren iriste-ordena.

Harremanetarako telefonoak: 945 06 21 48 eta 945 06 21 47.

Aldizkaria

'Kontsumorako prestakuntza ikastetxeetan' aldizkaria