Auzitegi Gorenaren III. salak epai batean ezarri duenez, telefono-konpainiek aldez aurretik eta idatziz eman behar dizkiote erabiltzaileari kontratazio-baldintza orokorrak, berariaz eskatu badira, nahiz eta telefonoz egindako kontratazioak izan. Paperean edo berehalako mezularitza-sistemen edo posta elektronikoaren bidez eman ditzakete baldintza orokor horiek

Kontsumobidek, Kontsumoko Euskal Institutuak, ETEei eta ekintzaileei zuzendutako berariazko prestakuntza-modulu bat gehitu du bere prestakuntza-eskaintzan. Ekimen hori enpresei zuzendutako kanpainaren ondorioa da, enpresa horiek kontsumitzaileekiko dituzten betebeharrak ezagutu ditzaten. Kanpaina EUDELekin lankidetzan garatzen da.

Kontsumoko ministroa den Alberto Garzónek eta Turismo, Merkataritza eta Kontsumoko sailburua den Javier Hurtado Dominguezek hitzarmen bat sinatu dute, zeinaren bidez EAEko Kontsumoko Arbitraje Batzordea kontsumoari lotutako gatazkak auzibidetik kanpo konpontzeko lehentasunezko erakunde gisa gaitzen den. EAEko Kontsumoko Arbitraje Batzordeak badu auzien ebazpen alternatiborako entitate gisa gaitzen duen egiaztapena.

Kontsumobide-Kontsumoko Euskal Institutuak produktuak saltzeko 42 webgune ikuskatu ditu, eta egiaztatu ahal izan du kasuen % 73,81ean kontsumitzaileen eskubideak babesten dituen araudia ez dela betetzen.