Multimedia-materiala:
Frutak eta barazkiak. Elikadura osasungarria lortzeko

Egilea:

Kontsumobide (Kontsumoko Euskal Institutua), Eusko Jaurlaritzako Nekazaritza arloarekin lankidetzan.

Fruten eta barazkien ezaugarrien eta horiek jateak osasunari dakarzkioten onuren inguruko informazioa eta zenbait joko.

Zortzi urtetik gorakoak.

Bereziki, ikasleentzat izan liteke erabilgarri ikasketetarako material osagarri gisa.

Merkatu bateko salmenta postuen (5) barrena eskura daitezke informazioa eta jokoak:

?Frutak eta barazkiak?: Honetan, fruta eta barazki ezagunenetakoen ezaugarri, jatorri, nutrizio ekarpen, osasunerako onura, dagokien urte sasoi eta zenbait bitxikeria ezagutu daitezke.
?Bilatu bere sasoia?: Fruta eta barazkiak dagozkien urte sasoiarekin lotzeko jokoaren bidez, parte hartzaileak lortutako ezagutzak probatzeko aukera izango du eta baita bere oroimena ere.
?Pisura?: Fruta eta barazkiak hizpide duten atsotitzak asmatzen saiatu beharko da postu honetara hurbiltzen dena. Aldi berean, haiei buruzko zenbait bitxikeria aurkituko ditu.
?Goazen ortura?: Fruitu eta barazkiak landareen zein zati (sustrai, zurtoin, hosto, fruitu, etab.) diren identifikatzen ikasiko du jokatzaileak.
?Nire menua?: Postu honetan sakatzen duenak elikadura osasuntsu eta orekatua egiteko informazioa eskuratuko du. Informazioak eguneroko dietan fruitu eta barazkiak barneratzea eta kontsumoa sustatzea du helburu.