08/25, 21/25 eta 25/25 kontrolaren azken txostena: ''Produktu ekologikoak: oloa, garbantzu lehorrak, tipulina, brokolia eta mandarina''

Kanpainaren helburua eta garapena

Merkatua zaintzeko jarduera hauen helburu nagusia produktu ekologikotzat etiketatutako elikagaiek kontsumo-araudia eta aplikatu beharreko legeria betetzen dutela egiaztatzea da.

Kontrolek zehapen-izaera izan dute, eta Araba eta Gipuzkoako Lurralde Zerbitzuek egin dituzte.

Honako kontrol hauek egin dira:

• Olo ekologikoaren kontrol sistematikoa (C 08/25): 2 lagin-hartze ontziratutako olo ekologikoan.
• Garbantzu lehor ekologikoen kontrol sistematikoa (C 21/25): 3 lagin-hartze ontziratutako garbantzu lehor ekologikoetan.
• Tipulina, brokolia eta mandarinaren kontrol sistematikoa (C 25/25):
• Produktuen kontrola protokolo bidez (C 25/25-1): 5 ikuskapen establezimendu fisikoetan.
• Operadoreen kontrola protokolo bidez (C 25/25-2): 3 operadore ikuskatuta.

Jasotako emaitzak.

Jarraian, kontrol-maila bakoitzean lortutako emaitzak zehazten dira: 

• Olo ekologikoa (C 08/25)

Egindako 2 lagin-hartzeetan ez da ez-betetzerik antzeman.

• Garbantzu lehor ekologikoak (C 21/25)

Egindako 3 lagin-hartzeetan ez da ez-betetzerik antzeman.

• Tipulina, brokolia eta mandarina (C 25/25)

Egindako 5 produktu-ikuskapenetan ez da etiketatze-arloko ez-betetzerik hauteman.

Ikuskatutako 3 operadoreek produktu ekologikoak merkaturatzeko betebeharrak betetzen dituzte.

Jarduketa guztiak artxibatu dira, arau-hausterik hauteman ez delako.

Ondoriak

Lortutako emaitzak kontuan hartuta, ez da beharrezkotzat jotzen kanpaina honetan aztertutako produktu ekologikoen gaineko kontrol sistematikoekin jarraitzea.