Ibilgailuen alokairua: Bi orduko atzerapenarekin itzuli dut autoa, eta egun osoa kobratu nahi didate. Legezkoa al da?

Ez, ez da legezkoa, abusuzko klausula izan baitaiteke.

Ordu batzuetako atzerapenagatik egun oso bat fakturatzea gorantz biribiltzea da, eta eman ez den zerbitzu batengatik kobratzea. Kontratuan agertzen bada, abusuzko klausula da, kontratuari erantsitako baldintza orokorra baita, banaka negoziatu ez dena, eta desoreka handia sortzen baitu bi alderdien artean, kontsumitzailearen kalterako.