Kontserbak oliba-oliotan (arrain-kontserbak izan ezik) eta patata frijituak oliba-oliotan

Kanpainaren helburua eta izaera.

Helburua informazioa kontrolatzea eta informazioaren egiazkotasuna lortzea izan da. Produktu horiek saltzeko baldintza teknikoak eta merkataritza-jardunbideak ere aztertu dira. Kanpainak izaera zehatzailea izan du osasunerako arriskutsuak diren ez-betetzeak antzeman direnean.

Kanpainaren garapena

Kanpaina 2022ko maiatzaren 19tik ekainaren 3ra bitartean egin da. Guztira, 30 jarduera egin dira, 25 protokoloz (7 Araban, 8 Bizkaian eta 10 Gipuzkoan), eta, horrez gain, Bizkaian, 5 lagin hartu eta aztertu dira, azken hauek soilik patata frijituenak oliba-oliotan.

Kanpaina horren barruan, ofiziozko ikuskapenak egin dira, bisitatutako establezimenduetan erreklamazio-orriei, informazio-kartelei eta tiketen emisio-kontrolari buruz.

Lortutako emaitzak

Protokoloaren araberako ikuskapenetan, ez-betetzeak % 60 izan direla detektatu da.

Ez-betetze ohikoena produktuaren identifikazioarekin lotuta dago; zehazki, oliba-olioari eta horrek produktuan duen ehunekoari buruzko adierazpenekin. Arau-hauste hori kasuen % 23,53an detektatu da.

Protokoloen % 11,76an hauteman denez, produktuaren izenarekin batera «Oliba-oliotan» adierazpena sartuta, osagaien zerrendan ez da behar bezala islatu, ez oliba-olio mota, ez produktuaren gaineko ehunekoa.

Azkenik, produktu-loteari buruzko informazioari dagokionez, arau-hausteak % 8,82 izan dira.

Bizkaian hartutako oliba-oliotan frijitutako pataten laginetan, kasuen % 60an araudiaren arau-hausteak aurkitu dira. 

Ondorioak

Gomendagarritzat jotzen da ikuskapen-kanpaina horrekin jarraitzea hurrengo ekitaldietan.