Produktuen erosketa Internet bidez

Helburua

Internet bidez saltzen duten enpresek produktuari, zerbitzuari, erosketa-prozedurei eta bermeei buruz arrazoizko erabaki bat hartzea ahalbidetuko dien informazio guztia eskaintzen dietela ziurtatzea, indarrean dagoen araudiarekin bat eginez.

Kanpainak zehapen-izaera du.

Burutze-data

2018ko azaroa eta abendua.

Egindako jarduketak

Bi motatako jarduketak burutu dira. Alde batetik, 50 protokolo gauzatu dira, 20 Araban, 10 Bizkaian eta 20 Gipuzkoan. Kasu guztietan sozietate-egoitza Espainian duten webguneak aztertu dira, eta haien garrantziaren arabera, 5 sektore ikuskatu dira: arroparena, oinetakoena, etxetresna txikiena/elektronikarena, jostailuena eta etxeko hornidurarena/altzariena.

Bizkaian hiru produkturekin erosketak egin dira sektore bakoitzean, ondoren, atzera egiteko eskubidea baliatzeko.

Emaitzak

% 60ko ez-betetzea antzeman da.

Antzemandako ez-betetzeen % 52an, ez-betetze hori EBko auziak online ebazteko plataformarako identifikazio bidezko sarbide erraza ematen duen loturarik ez egoteagatik gertatu da.

% 14k ez zuen atzera egiteko inprimaki-eredurik.

% 14k ez zuen izaera iraunkorreko produktuen bermeari buruzko informaziorik.

% 6k ez zuen ematen ordaindutako zenbatekoaren itzulketari buruz saltzaileak eman beharreko informaziorik.

Egindako erosketen % 13an atzera egiteko eskubidea baliatu ondoren ordaindutako zenbatekoa itzultzeko epea gainditzen da, eta webgune batean ikusi da entregatze-epea 30 egun baino gehiagokoa zela.

Ondorioak

Ez-betetze gehienak EBko auziak online ebazteko plataformarako identifikazio bidezko sarbide erraza ematen duen loturarik ez egotearen ondorioz gertatu dira, baina uste da horren arrazoia 2013/11/EB Zuzentaraua Espainiako ordenamendu juridikora duela gutxi gehitu izana dela.

Etengabeko teknologia-aurrerapenak direla eta, aldian-aldian mota honetako kanpainak egitea gomendatzen dugu.