'Txikizkako saltokiko titularrak ontziratutako elikagaien etiketak' ikuskapen-kanpainaren emaitzak

Xedea

Egiaztatzea txikizkako saltokiko titularrak ontziratutako elikagaiak eta kontsumitzailearentzat zuzenean saltzen jarri direnak betetzen dituztela etiketa-eskakizunak, elikagaiak etiketatze, erakuste eta iragartzeko arau orokorraren 5. eta 16. artikuluetan ezarrita bezala.

Noiz egin den

2011ko urriaren 6tik 16ra bitartean, biak barne. Hainbat Autonomia Erkidegoen eta INCren artean antolatutako kanpainen barruan, txikizkako saltokietako titularrak ontziratutako elikagaien etiketetan azaltzen den informazioa kontrolatzeko kanpaina programatu da.

Egindako jarduerak

Kanpainak informazio-izaera du.

• Era horretako produktuak dituzten txikizkako saltokiak, supermerkatuak, azalera handietako elikagai-zerbitzuak eta elikagaietan berezitutako establezimenduak.
• Aurreikusitako ikuskapen-protokolo kopurua: 15 laginketa, txikizkako saltokian bertan ontziratu eta berehala saltzeko diren produktuen artetik; establezimenduetako apaletan egon daitezkeen fruta, barazki, haragi, urdaitegiko produktu, produktu ketu, fruitu lehor, lekale eta bestelakoak.

Emaitzak

Ikuskapenaren emaitzak aztertuta, hau ikusi da:

17 ikuskapen-jarduera egin dira, eta programatutako 15 ikuskapen-protokoloak burutu, hautatutako establezimenduen artetik. Horiek izan dira: supermerkatuak, azalera handietako elikadura-atalak eta txikizkako establezimenduak. Ikuskatutako 2 establezimendutan ez zegoen txikizkako saltokiaren titularrak ontziratutako elikagairik.

Produktu hauek ikuskatu dira, besteak beste: xarkuteria-produktuak, frutak eta etxeko azkenburukoak.

• Ikuskatutako produktuen % 93,33k etiketa du.
• Ikuskatutako produktuen % 73,33tan ontziratzailearen identifikazio-datuak ageri dira.
• Ikuskatutako produktuen % 66,67tan osorik ageri da produktuaren salmenta-izena.
• Osagai-zerrenda eta kantitate garbia, masan edo bolumenean, ageri da ikuskatutako produktuen % 80tan.
• Produktuen % 86,66tan ageri da gutxieneko iraupen-data, edo, bestela, iraungitze-data.
• Kontserbazio- eta erabilera-baldintza bereziak ageri dira ikuskatutako produktuen % 60tan.
• Etiketan agertu beharreko jarraibideei buruz, hau egiaztatu da:
• Etiketen % 80, ondo ikusten eta irakurtzen dira eta ezabaezinak dira.
• Kasuen % 86,67tan ikus-eremu berean ageri dira izenari, kantitate garbiari eta datei buruzko argibideak.
• Produktuen % 93,33k etiketaren barneko nahitaezko argibideak Estatuko hizkuntza ofizialean ageri dituzte.
• Produktuen % 86,67k markatua du publikoarentzako salmenta-prezioa.
• Ikuskatutako establezimenduei buruz, % 93,33k badu erreklamazio-orriak badituztela dioen kartela, eta guztiek dituzte erreklamazio-orri horiek eskura.

Ondorioak

Azaldutako emaitzetatik ondoriozta daiteke protokolo-itemen % 85,72 ondo ari dela erantzuten.

Irregulartasunak aurkitu zaizkien establezimenduei etiketan atzemandako ez-betetzeak konpontzeko eskatu behar zaie.