'Glutenik gabeko elikagaiak. Haragikiak eta hestebeteak' ikuskapen-kanpaina
Xedea
Zeliakoentzat egokiak diren produktuak honela definitu daitezke: beren osagaietan zeliakoei debekatutako zerealik ez dutenak (garia, garagarra, zekalea, gari zuria, kamuta eta oloa).
Kanpainaren xedea da analisi bidez egiaztatzea salmentan izan eta “glutenik gabea” etiketa duten elikagaiek beren osagai, kontserbagarri edota edulkoratzaileetan benetan ez dutela glutenik.
Araudia:
- 1945/1983 Errege Dekretua, ekainaren 22koa, kontsumitzailearen defentsaren eta nekazaritzako elikadura-produkzioaren arloetako arau-hausteak eta zehapenak arautzen dituena.
- 930/1992 Errege Dekretua, uztailaren 17koa, elikagaien ezaugarri nutritiboak etiketatzearen araua onartzen duena.
- 1334/1999 Errege Dekretua, uztailaren 31koa, elikagaien etiketatze, aurkezpen eta publizitatearen gaineko arau orokorra onartzen duena.
- 41/2009 (EE) Erregelamendua, Batzordearena, 2009ko urtarrilaren 20koa, glutenarekiko intolerantzia duten pertsonentzat egokiak diren elikagaiak osatzeari eta etiketatzeari buruzkoa.
Noiz egin zen
2012ko ekainaren 11tik 15era bitartean, biak barne. Kanpaina hau Kalitatearen Azterketa eta Kontrol Zentroak (CICC delakoa) proposatu dituen kanpainen artean dago.
Euskal Autonomia Erkidegoko Administrazioak (Industria, Berrikuntza, Merkataritza eta Turismo Saila; Osasun eta Kontsumo Saila; Hezkuntza, Unibertsitate eta Ikerketa Saila; Ingurumen, Lurralde Plangintza, Nekazaritza eta Arrantza Saila) eta Euskadiko Zeliakoen Elkarteak (EZE) ekintza bateratuak egiteko daukaten lankidetza-hitzarmenaren arabera, Kontsumobideri dagokio glutenik gabeko elikagaien laginak hartzeko kanpaina egitea.
Egindako jarduerak
Fase honetan haragikien eta hestebeteen laginak baino ez dira hartuko. Kanpainatik kanpo geratuko dira elikagai gordinak; hala nola, hanburgesak, haragi-bolak, saltxitxa freskoak, etab.
15 lagin adierazgarri hartzea, jarraian aipatzen diren produktuen artean (produktu-mota bakoitzeko egin behar den laginketa-kopurua azaltzen da):
- 1. mota – Txorizoa eta saltxitxoia. 6 laginketa.
- 2. mota – Choppeda, mortadela, urdaiazpiko egosia. 5 laginketa.
- 3. mota – Saltxitxa prozesatuak, haragi-kontserbak eta aurreko motetan sartu gabeko beste batzuk. 4 laginketa.