´Zordun-posizioagatiko komisioa hipoteka-maileguetan´ izeneko kanpainaren emaitzak

Helburua

Finantza-erakundeek “zordun-posizioagatiko komisioa hipoteka-maileguetan” izeneko klausulak aplikatzeari utzi dioten egiaztatu nahi izan da.

Noiz egin den

2018ko irailean bidali ziren errekerimenduak, eta erantzunak urrian zehar jaso ziren.

Egindako jarduketak

10 banketxeri kontratu-kopuru jakin bat eskatu zitzaien (3, 5 edo 10 kontratu, 2014ko kanpainan jaso ziren datuen arabera), eta jaso zirenean hango informazioa aztertu zen.

Emaitzak

2 erakundek ez diote errekerimenduari erantzun; beraz, laguntzarik eman ez dutenez aholkularitza juridikoari horren berri eman zaio. Baina erakunde horien informazio publikoa aztertu ahal izan da, eta egiaztatu da oraindik klausula hori aplikatzen dutela.

Errekerimenduari erantzun dioten 8 erakundeetatik, 7k oraindik aplikatzen dute zordun-posizioagatiko komisioak kobratzeko abusuzko klausula hipoteka-maileguetan.

Ondorioak

Ez-betetze maila altua denez, beste kanpaina bat egin behar da banketxeen kontratuetako abusuzko klausulen gainean.