11/25 kontrolaren azken txostena: 19 kategoria ''Edari alkoholdunak: ardotik eratorritako edariak eta bermutak''

Kanpainaren helburua eta garapena

Jarduera hauen helburua da ardotik eratorritako edarien eta bermuten etiketatzeari buruzko araudia betetzen den egiaztatzea, bai eta produktuen kontrol analitikoa eta operadore txikizkarien kontrola egitea ere. Kontrolak zehapen izaera izan du, eta Araban egin da 2025eko irailaren 1etik urriaren 31ra.

Guztira 16 jarduketa egin dira:

Produktuen kontrola (CS 11/25-2)

7 produktu‑kontrol egin dira (5 bermut eta ardotik eratorritako 2 edari) Gasteizko 3 establezimendutan.

Laginak hartzea (CS 11/25-1)

6 produkturen laginak hartu dira (4 bermut eta ardotik eratorritako 2 edari) Gasteizko 2 operadore txikizkaritan.

Operadoreen kontrola (CS 11/25-3)

3 ikuskapen egin dira txikizkako establezimenduetan.

Lortutako emaitzak.

Produktuen kontrola (CS 11/25-2)

Egindako 7 kontroletan ez da ez-betetzerik hauteman. Kontrolatutako produktuen %100ek araudia betetzen du etiketatzeari eta ontziratzeari dagokionez.

Laginak hartzea (CS 11/25-1)

Aztertutako 6 produktuetatik 4k ez-betetzeak dituzte (%66,66). Ez-betetzeak 3 bermutetan eta sangria batean detektatu dira.

Bermutak:
- Azukre totalen edukia araudian ezarritako gutxienekoaren azpitik.

Ardotik eratorritako edariak (sangria):
- Azidotasun lurrunkorra araudian ezarritako mugaren gainetik.

Operadoreen kontrola (CS 11/25-3)

Egindako 3 ikuskapenek ez dute ez-betetzerik izan.

Ondoriak

Kontrolatutako edari alkoholdunen etiketatzean eta ontziratzean ez da ez-betetzerik detektatu. Hala ere, laborategiko saiakuntzek ez-betetze kopuru esanguratsua erakutsi dute; horregatik, etorkizuneko kanpainetan laginak berriro hartzea gomendatzen da.