14/24 Kontrolaren asken txostena.- 1.7 Programa - "Pneumatikoak"

Helburua

Kontrolaren helburua izan da egiaztatzea Espainian merkaturatzen diren pneumatikoek aplikatzekoak zaizkien xedapenak betetzen dituztela eta, nolanahi ere, xedapen horiek babestutako interes publikoentzat arriskurik ez dakartela.

Kontrolak zehapen-izaera izan du.

Kontrolaren xede autoen pneumatiko kategoria hauek izan dira (C1):

1. Udako pneumatikoak
2. Pneumatikoak (all-season)
3. Neguko pneumatikoak.

Kontrolaren garapena

Guztira 16 ikuskapen egin ditu Gipuzkoako Lurralde Zerbitzuak.

Hainbat kontrol mota egin ditu:

• produktuaren aurrez aurreko ikuskapena: 10 txikizkari ikuskatu dituzte; ikuskapenak presentzialak izan dira.
• produktuaren online ikuskapena: 5 online ikuskapen egin dira.
• dokumentu-ikuskapena: dokumentu-ikuskapen 1 egin da.
• ofiziozko ikuskapena: kontrolaren esparruan, eta egindako jarduketa presentzialak aprobetxatuz, ofiziozko 9 ikuskapen egin dira; hain zuzen ere, bisitatu ditugun establezimenduetako erreklamazio-orriena, informazio-kartelena eta tiketen igorpenena.

Lortutako emaitzak

3.1- Produktuaren aurrez aurreko ikuskapena    

Egindako 10 jarduketetan ez da ez-betetzerik antzeman. 

3.2- Produktuaren online ikuskapena    

Online merkataritzako ikuskapen guztiek ez-betetzeak erregistratu dituzte.

Ez-betetzeen ehuneko handiena (% 40) etiketekin lotuta daude; QR kodea, produktuaren informazio-fitxa, 3 urteko berme-aldia adieraztea.

Beste ez-betetze aipagarri batzuk honako alderdi hauetan hauteman dira:

• prezioaren etiketatzea
• energiaren logotipoa
• hornitzailearen izen komertziala edo marka
• pneumatiko motaren identifikatzailea, karga-ahalmenaren indize-tamaina eta abiadura-kategoriaren sinboloa
• kanpoko errodadura-zarataren piktograma
• aplikatu beharreko erregelamendua
• produktuaren informazio-fitxa ikus eta kontsulta daiteke
• bidalketa-gastuen berri ematen da
• produktuen entrega-data ageri da
• ondasunentzako adostasun-berme legala dagoela gogorarazten du
• atzera egiteko inprimakiaren eredua ageri da
• errespetatu egiten da kontsumitzailearen bizilekuaren forua (epailea edo auzitegia) (kontratua kontsumitzaileak ohiko bizilekua duen lekuan egin dela uste izateko legezko eskakizuna). 

3.3.- Dokumentu-ikuskapena

Dokumentuen ikuskapena hainbat hilabetez luzatu da, protokoloa osatzeko behar den dokumentazioa lortzeko zailtasunak direla eta.

Azkenik, honako galdera hauetan izan dira ez-betetzeak:

• CRRaren emaitza N/kN-n adierazten da.
• Gainazal bustian itsasteko ahalmen-indizearen balioaren emaitza eta pneumatikoaren etiketan gainazal bustian itsasteko adierazitako ahalmen mota baliokideak dira.
• Kanpoko errodadura-zarataren balio neurtua dezibeliotan adierazten da, eta bat dator pneumatikoaren etiketan adierazitako balioarekin.

Ofiziozko jarduketetan ez da ez-betetzerik gertatu.

Egindako jarduketen emaitza:

• Aurrez aurreko ikuskapena: 10 ikuskapenak artxibatu egin dira.
• Online merkataritzako kontrola: 5 ikuskapenetan zehapen-proposamena egin da.
• Dokumentu-ikuskapena: ikuskapenaren odoren zehapen-proposamena egin da.
• Ofiziozko ikuskapenak: 9 ikuskapenak artxibatu egin dira. 

Ez-betetzeen maila handia denez, oraindik ere beharrezkoa da online kontrolak eta dokumentuen kontrolak egitea.