'Laktosarik gabeko esnea' ikuskapen-kanpainaren emaitzak

Kanpainaren xedea

Autonomia-erkidegoen eta AECOSANen artean planifikatutakoen artean dago kanpaina hau.

Helburu hau zuen kanpainak: egiaztatzea 'laktosari gabeko esnea' produktuak aplikagarria zaion araudia betetzen duela, dagozkien entseguak eginez.

Noiz egin zen

Kanpaina 2015eko irailaren lehenengo hamabostaldian egin zen.

Egindako jarduerak

Etiketatuan 'laktosarik gabe' adierazpena duten esne-ontzien 10 lagin hartu ziren, eta Kalitatearen Ikerketarako eta Kontrolerako Zentrora (CICC) bidali ziren, azter zitzaten.

Laginak Gipuzkoako lurralde-zerbitzuak hartu zituen, eta erakusgarriak izan ziren. Lagin bakoitzak produktuaren ale bat zuen.

Establezimendu hauek ikuskatu ziren: horrelako produktuak zituzten txikizkako dendak, supermerkatuak eta elikagaietan espezializatutako dendak.

Emaitzak

CICCra aztertzeko bidalitako 10 laginetatik 9k bete egiten zuten araudia.

Araudiarekin bat ez zetorren laginari dagokionez, laborategiak adierazi zuen nutrizio-informazioa aurkezteko ordena ez zela zuzena, eta, gainera, 'sodio' hitza erabiltzen zuela 'sal' erabili beharrean. Dagokion jakinarazpena egin zitzaion produktuaren arduradunaren sozietatearen egoitza dagoen autonomia-erkidegoko erakunde eskudunari.

Ondorioak

Lortutako emaitzatik, ondorioztatzen da 'laktosarik gabeko esnea' produktuak oso maila handian betetzen dituela arau-betebeharrak.