Hipoteka-gastuak: Ba al dago gastu horiek erreklamatzeko eperik?

Zuen web-orria kontuan hartuta, apirilaren 9an eskatu nion banketxeari maileguaren hipoteka-gastuak ordaintzeko. Erantzuna jaso dut, baina erantzun horretan zera dio: "uste dut Auzitegi Gorenak hipoteka-maileguari dagokion klausularen deuseztasuna deklaratzeko adierazitako inguruabarrak betetzen direla, lotutako gastuei dagokienez"; baina gero epez kanpo egin dela esan didate.

Nire galdera da ea eperik badagoen gastu horiek erreklamatzeko.

Erantzuna

Zure galderak ez du behin betiko erantzunik. Erreklamatzeko epea egon badago, kontua da noiz hasten den kontatzen epe hori. Puntu horretan oinarritu dira bankuak beren erantzuna emateko, baina eztabaida juridiko hori Europar Batasuneko Justizia Auzitegiak konpondu du. 2024ko urtarrilaren 25eko epai batean adierazi zuenez, kontsumitzailea bere eskubideak urratu direla ohartu den egunetik hasi behar da zenbatzen epea.

• Epaitegietara jo. Kontsumitzaileen elkarteen bidez edo zure kontura egin dezakezu. Azken bide hori hautatuz gero, agian hitzezko epaiketa deritzon kanalak eskaintzen dizkizun aukerak aztertu beharko zenituzke.
• Espainiako Bankuan jarri erreklamazioa.
• Kontsumobiden jar dezakezu erreklamazioa, Internet bidez edo aurrez aurre gure bulegoetan; horretarako, hitzordua eskatu behar duzu aldez aurretik.

Erantzuna lagungarria izatea espero dugu.