Gaur egun telefono mugikorrak telefonoak baino gehiago ordenagailuak dira. Ezaugarri horrek, abantailak emateaz gain, eragozpenen bat ere ekartzen digu; hala, gure mugikorrak birus informatikoz kutsa daitezke.
Iragan astean ezagutu genuen Google Play-ko 200 app baino gehiago infektatu zituztela. Ez dugu hori ekiditeko errezeta segururik, baina zure telefonoa eta aplikazioak hobeto babesteko gomendio batzuk eman ditzakegu.
- Denda ofizialetako —Google Play edo App Store adibidez— aplikazioak bakarrik instalatu, eta zalantza baduzu, enpresaren webgunetik deskargatu zuzenean.
- App bat aukeratu edo instalatu aurretik, beste erabiltzaile batzuek egindako balorazioa eta iruzkinak irakurri. Lagungarri izango zaizu.
- Eskatzen zaizkizun baimenak gehiegizkoak ez direla begiratu.
- Instalatutako aplikazioak zein sistema eragilea eguneratuak eduki.
- Eskuragarri dituzu zure gailu mugikorraren segurtasuna handitzeko aukera emango dizuten tresnak.
- Android mugikorretarako CONAN Mobile izeneko aplikazioa dago. Aplikazio horrek zure smartphoneak dituen arriskuez ohartarazten dizu eta arrisku horiek murrizteko gomendioak ematen dizkizu.
- Zalantzaren bat baduzu, bertan nahastuta dagoen enpresari edo erreferentziako zerbitzuei —Internautaren Segurtasun Bulegoa (OSI)— galdetu.
