Hotza iristen denean, berehala hasten zara arropa antolatzen armairua aldatzeko. Eta ?ez dut eser jartzeko? da denboraldi hasieran errepikatzen den esaldi nagusia. Baina, benetan ez duzu ezer janzteko? Edo konbentzitu zaituzte daukazuna zaharkituta dagoela eta denboraldi berriko arropa erosi behar duzula?
Black Friday, Mid Season Sales, beherapenak eta enparauak ganoraz baliatzeko ideiak
egilea: Kontsumobide,
Mid Season Sales, Black Friday, Cyber Monday, Beherapenak, Blue Monday, Shopping Night, Urrezko egunak, Special Prices… Izena aldatzen da; ez, ordea, izana: prezio bereziak eta hamaika aukera errepikaezin agintzen dizkizute, galdu ezin dituzun aukerak dena ere. Sustapen ezagun horiek aukera bikaina izan daitezke egin behar dituzun erosketak aurreratzeko, baina erabaki okerrak ere eragin ditzakete, aurrez behar bezala pentsatzen ez baduzu. Hemen dituzu gomendio batzuk, eskaintza horiei ahalik eta etekinik handiena ateratzeko:
- Itsu-itsuan erosten hasi aurretik, gogoratu aukera errepikaezinak behin bakarrik izaten direla bizitzan. Aldian aldikoak eta errepikakorrak badira, ez dira errepikaezinak, etengabeak baizik.
- Sustapenak aukera egokia izan daitezke programatutako eta nahitaezko erosketak aurreratzeko, hala nola Gabonetakoak edo urtebetetzetakoak:
- Produktu jakin bat interesatzen bazaizu, jarraipena egin. Izan ere, denda batzuek prezioak igotzen dituzte apurka-apurka dena delako egun hori baino aste batzuk lehenago, eta, ondoren, merkatu egiten dituzte berriz, ustezko sustapen baten mozorropean.
- Konparatu prezioak. Erabili eskura dituzun erremintak: bilatzaileek prezioak konparatzeko hainbat web-orri eskaintzen dizkizute.
- Galdetu zein den itzulketa-politika eta zein den itzulketak egiteko epea.
- Behar duzuna baino ez erosi. Nahi ez zenituen gauzak erostea, deskontu handiak dituztelako soilik, ez da pagotxa.
- Teknologia erosi behar baduzu, adi ibili zaharkitutako produktuekin. Ez zaitzatela liluratu prezioekin bakarrik. Mugikorrak, ordenagailuak, telebistak eta elektronikako beste produktu batzuk erosteko, informazioa jaso eta irizpidez jardun behar da: Software-eguneratzeak egin ahal izango dira? Markak bertsio horri euskarria ematen jarraituko du? Badu nahikoa RAM memoria? Zenbateko edukiera dauka? Zenbat balio dute osagarri gomendagarriek, hala nola karkasek edo zorroek?
- Erosketak finantzatzea edo atzeratzea erabakitzen baduzu, arreta berezia jarri interesei eta epeei.
- Gogoan izan zure eskubideak eta baliatu:
- Produktuek beherapenetako prezioa eta aurrekoa izan behar dute, BEZa barne.
- Erosgaiek egoera ezin hobean egon behar dute.
- Internet bidez erosten baduzu, egiaztatu web-orri segurua dela. 14 egun dituzu atzera egiteko eskubidea baliatzeko; alegia, produktua justifikaziorik gabe itzultzeko.
- Gorde ziurtagiria edo tiketa, erreklamaziorik jarri behar baduzu ere.
- Legezko bermea bi urtekoa da produktu berrientzat eta gutxienez urtebetekoa bigarren eskukoentzat.
- Arazoren bat sortzen bada, establezimenduarekin akordio batera heltzen saiatu behar duzu. Lortzen ez baduzu, ordea, jarri erreklamazio bat.
- Kontsumoko Arbitraje Sistemara atxikitako establezimenduetan erostea seguruagoa da, gatazkak auzibidetik kanpoko doako bitarteko baten bidez konpontzeko aukera ematen duelako. Bilatu bereizgarri ofiziala.
Gaiak
Tag-ak
Azken sarrerak
-
Hotza iristen denean, berehala hasten zara arropa antolatzen armairua aldatzeko. Eta ?ez dut eser jartzeko? da denboraldi hasieran errepikatzen den esaldi nagusia. Baina, benetan ez duzu ezer janzteko? Edo konbentzitu zaituzte daukazuna zaharkituta dagoela eta denboraldi berriko arropa erosi behar duzula?
Kontzertu, jaialdi, partidua edo ikuskizunetarako sarrerek askotan, salgai jartzen diren egun berean hegan egiten dute.
Oporren etorrera atsedenaren eta deskonexioaren sinonimo da, baina gure kontsumo-mailak gora egiten duen urteko garaietako bat ere bada.
Prezio dinamikoen gakoa da ulertzea nola funtzionatzen duten. Horrela jakingo duzu noiz den momenturik egokiena produktu bat erosteko edo zerbitzu bat kontratatzeko.
Gozatu bete-betean, baina gogoan izan beti gure aholkua: erosterakoan, ez saldu zure burua.
Gaur egun, sare sozialetan egotea zure herriko plazan egotea bezalakoa da: argazkiak, iritziak, uneak eta informazio pertsonala partekatzen ditugu etengabe.
Zenbait azterlanen arabera, prestakuntza eta erantzukizun parekagarriak izan arren, emakumeek gizonek baino soldata txikiagoak jasotzen dituzte, batez beste.
Kirol-proba bat bertan behera uzteak ziurgabetasuna sor dezake itzulketei eta hartu diren kostuei buruz.
2006 eta 2013 artean auto berri bat edo km 0 bat erosi bazenuen, oraindik garaiz zaude ordaindutako gainprezioagatik kalte-ordaina eskatzeko.
M15, Kontsumitzailearen Mundu Eguna
Funtzio adimendunak biderkatzen ari dira, baina adimen artifiziala gure bizitza digitalaren zein atalek elikatzen duten erabakitzeko eskubidea daukagu.
Geroz eta eragiketa gehiago egiten ditugu online bankaren bidez, baina honek ez du leihatilako arreta guztiz ordezkatzen.
