LHko titulu bat lortzeko formakuntza
Jonek, urrutitik, ikastaro bat kontratatu du akademia pribatu batekin, Lanbide Heziketako (LH) titulu bat lortzeko prestakuntza eskaintzen duena.
Jonek, urrutitik, ikastaro bat kontratatu du akademia pribatu batekin, Lanbide Heziketako (LH) titulu bat lortzearekin lotutako prestakuntza eskaintzen duena. Izena emateko erabakia, neurri handi batean, akademiaren publizitateak bultzatu du; izan ere, titulu ofizialaren izena nabarmentzen da bertan, eta horrek pentsarazi dio pertsonari prestakuntza amaitu ondoren titulazio hori zuzenean lortuko duela.
Diru-kopuru handi bat ordaindu eta ikastaroa hasi ondoren, pertsona ohartu da akademia horrek ez duela inolako titulu ofizialik ematen, prestakuntza-ikastaroa baino ez duela eskaintzen. LHko titulua lortzeko, Hezkuntza Sailak deitutako proba libreetaraaurkeztu behar da; kontratazioaren unean pertsonak argi ulertu ez zuen baldintza da hori.
Sinatutako kontratua berrikustean, egiaztatu da bertan zehazten dela kontratatutako zerbitzua prestakuntza ematea dela soilik, eta ez duela titulu ofiziala lortzea bermatzen, ezta dagokion proba ofiziala gainditzeko beharra ordezkatzen ere. Hala ere, kontsumitzaileak ez zuen informazio hori modu egokian jaso edo ulertu, seguruenik publizitatearen ikuspegiagatik edo ikastaroa aurkezteko moduagatik.
Pertsona erreklamatzen edo kontratua bertan behera uzten saiatzen denean, konturatzen da atzera egiteko legezko epea amaitu dela edo zerbitzua hasitzat eman dela ikasmaterialera sartu delako (zigilua kendu delako, segurtasun-kodea aktibatu delako, etab.). Egoera horrek iruzur- edo frustrazio-sentipena sortzen du, nahiz eta ikuspuntu juridikotik akademiak kontratuan informatzeko betebeharra bete duen.
Kasu honek agerian uzten du honako hauen garrantzia:
- Baldintzak arretaz irakurtzea prestakuntza-zerbitzuak kontratatu aurretik.
- Arreta berezia jartzea prestakuntza-ikastaroaren eta titulazio ofizialak lortzearen arteko aldeari.
- Akademiek informazio argia, gardena eta erraz ulertzeko modukoa eman behar dutela, amaierako emaitzari buruzko nahasmena eragin dezaketen publizitate-mezuak saihestuz.
- PGaizki-ulertuak saihesteko, zentro pribatu batean inolako ordainketarik egin aurretik, Lanbide Heziketako tituluei eta proba libreen deialdiei buruzko informazioa administrazio publiko eskudunaren kanal ofizialetan egiaztatzea gomendatzen dizugu. Horrela, zer zentrok duten dagokion baimena eta titulazioa lortzeko legezko baldintzak zein diren ziurtatu ahal izango duzu.
- Gorde kontratazioari lotutako dokumentazio guztia (publizitatea, pantaila-argazkiak, enpresarekin trukatutako WhatsAppak edo posta elektronikoak, etab.), erreklamazio bat bideratuz gero frogak aurkeztu ahal izateko.
