Kontsumobide-Kontsumoko Euskal Institutuko zuzendari Ana María Sánchez Herráezek ebazpena sinatu du, Euskadiko kontsumitzaileen antolakundeei 2026ko ekitaldirako dirulaguntzak ematen dituena. Guztira 505.819,98 euro banatu dira, elkarteen funtzionamendu-gastuak eta laguntza juridikoa ordaintzeko.
Laguntza ekonomiko horien deialdia martxoan egin zen, eta Balorazio Batzordeak ebaluazio teknikoa egin ondoren, bost erakunderi esleitu zaizkie:
- Euskal Kontsumitzaileen Elkartea (ACUV/EKA): 203.980,19 euro guztira (101.980,19 € kontsumitzaileen arretarako eta 102.000,00 € laguntza juridikorako).
- Euskal Herriko Kontsumitzaileen Batasuna (EHKB): 203.980,19 euro guztira (101.980,19 € kontsumitzaileen arretarako eta 102.000,00 € laguntza juridikorako).
- Euskadiko Kontsumitzaileen eta Erabiltzaileen Ekintza Elkartea (FACUA): 49.990,30 euro (kontsumitzaileen arretarako).
- Bidasoako Kontsumitzaileen eta Erabiltzaileen Elkartea (Acubi): 28.994,36 euro (kontsumitzaileen arretarako).
- Euskadiko Finantza Erabiltzaileen Elkartea (Asufin): 18.874,94 euro (kontsumitzaileen arretarako).
Bi urtekotan ordaintzea
Dirulaguntzen ordainketa bi epetan egituratuko da: lehenengo ordainketa 2026ko ekitaldian egingo da, ebazpena argitaratu ondoren, eta gainerako % 25a 2027an, deialdiaren oinarrien arabera.
Dirulaguntza horiekin, Kontsumobidek berretsi egin du Euskadiko kontsumoko elkarte-sarea indartzeko konpromisoa, herritarrek beren kontsumo-harremanetan aholkularitza, informazio eta babes juridikorako tresnak izango dituztela bermatuta.
