Hori dela eta, Kontsumobidek honako hau jakinarazten du:
- Iruzurra bada, Ertzaintzan salaketa jartzea da egokiena.
- Bidaia-asegurua kontratatu bada, polizaren baldintzak irakurri behar dira, eta, hala badagokio, aseguru-konpainiari erreklamatu.
- Bidaia konbinatuekin lotutako gaietarako (adibidez, gaualdiak eta bidaiak kontratazio bakar batean batzen dituztenak) agintaritza eskuduna Eusko Jaurlaritzako Turismo Zuzendaritza da.
- Kontsumobidek eskumena du bidaiarekin batera kostuari aurre egiteko kreditu bat kontratatu den kasuetan. Kasu horretan, lotutako kredituarekiko konpromisoa suntsitutzat joko da, eta finantza-erakundeari eskatu beharko zaio. Erantzun egokirik jaso ezean, erreklamazio bat jar daiteke Kontsumobiden.
Nolanahi ere, Kontsumobidek informazio guztia biltzea, ordenatzea eta gordetzea gomendatzen du: kontratuak, publizitate-liburuxkak, konturako ordainagiriak, balizko aseguru-polizak, fakturak, etab. Halaber, komeni da gertatutakoaren kontakizun ahalik eta zehatzena idaztea.
